31. janúar 2012 12:42

Sorphirðudagatal

Nýtt sorphirðudagl fyrir árið 2012 er komið inn á heimsíðuna undir síðuna sorphirða. 

sdfmeira...

30. september 2011 12:14

Í minningu Sveins Skorra

Dagskrá á Fitjum í Skorradal

laugardaginn 1. október 2011,  kl. 14 - 17

Snorrastofa og Bókmennta- og listfræðistofnun Háskóla Íslands efna til dagskrár um rithöfundinn og fræðimanninn Svein Skorra Höskuldsson.

Efni dagskrár

Í foreldrahúsum

Sigríður Höskuldsdóttir

Rithöfundurinn og fræðimaðurinn

Páll Valsson íslenskufræðingur

Upplestur úr Svipþingi eftir  Svein Skorra

Þormóður Sveinsson

Af íslenskum Kapúlettum og Montögum, Rómeóum og Júlíum.

Minningaþættir Sveins Skorra Höskuldssonar.

Ásta Kristín Benediktsdóttir

Myndir úr önnum dagsins, samstarfi og vináttu

Jónas Kristjánsson fyrrv. forstöðumaður Árnastofnunar

Í heimsins hreggi. Svipmyndir af Sveini Skorra

Árni Björnsson þjóðháttafræðingur

Dagskrárstjóri   Bergljót S. Kristjánsdóttir prófessor

Aðgangseyrir kr. 1000 með kaffiveitingum

sdfmeira...

19. september 2011 10:49

EI LÍF Í FRAM-SKORRADAL

EI LÍF Í FRAM-SKORRADAL ? afmorsvísur og annað gott...  

Á haustjafndægri, n.k.föstud ( 23. sept.) fitja framdælingar í Fitjasókn og lengra komnir, upp á spaugsyrðum um sjálfa sig og aðra. Flestir eru raunar brottfluttir, en ganga aftur af þessu tilefni; í barndóm.

Fremstur í flokki er Helgi bóndi frá Háafelli/Snartarstöðum sem hendir fram stökum og Árgalir kveða rímur eftir Höskuld frá Vatnshorni, ef forlög og forfeður leyfa.

Hannes Blandon og Eiki Bó koma úr Eyjafirði og blúsa texta Hannesar við lög Cornelis Vreeswijk o.fl. um kirkjupólitík og stöku hjarðljóð. Afmorsvísur svo annað veifið...

Aðgangseyrir kr 1500 og frjáls framlög í Pakkhúsvinafélagið...

Ó-rafmögnuð hauststemning í Skemmunni á Fitjum 

sdfmeira...

8. september 2011 11:54

Leitir og réttir

Nú fara í hönd  smalamennskur. Réttað verður í Hreppsrétt sunnudaginn 11.september kl. 10. En á laugardeginum verður smalað svæðið frá Litlu-Drageyri að austan og niður að dalinn að sunnan verðu. Einnig verður smalað í norðanverðum dalnum um helgina. En Oddsstaðarétt verður miðvikudaginn 14.september kl.9

sdfmeira...

6. september 2011 06:00

Laugardaginn 10. sept kl. 14 -16:30 verður haldið málþing á Fitjum um Guðmund Ólafsson

Guðmundur var fæddur að Setbergi við Hafnarfjörð árið 1825 . Hann var einn af best menntuðu búfræðingum sinnar tíðar; nam búfræði um fjögurra ára skeið í Danmörku og kom heim um 1850. Guðmundur varð áhrifamikill á því sviði, bæði sem ráðunautur og ...höfundur búfræðirita. Þá var hann um skeið alþingismaður Borgfirðinga, en hann bjó sín búskaparár í Borgarfirðinum, þar af síðustu 25 árin á Fitjum í Skorradal þar sem hann dreymdi um að koma á búnaðarskóla.

sdfmeira...

12. júlí 2011 10:20

Vígsla Pakkhúsins í Vatnshorni

Þann 13. ágúst verður Pakkhúsið í Vatnshorni vígt eftir endurgerð þess.

Athöfnin er einn af hápunktum viðburða á Alþjóðlegu ári skóga hér á landi, enda er um að ræða fyrsta húsið sem alviðað er íslensku timbri og er viðburðurinn því sögulegur sem slíkur.

Skógrækt ríkisins gefur timbur frá Stálpastöðum í Skorradal til verksins, Stefán Ólafsson á Litlu-Brekku hefur veg og vanda af endursmíðinni og Unnsteinn Elíasson hleðslumeistari frá Ferjubakka sér um vegghleðslu undir húsið.

Félagsskapurinn ,,Vinir Pakkhússins" aflar fjár til verksins. 

Í tilefni af vígslu Pakkhússins koma norskir gestir frá Skogselskapet Bergen og Hordaland í Noregi til Íslands, m.a. Loftur Þór Jónsson fylkisskógameistari í

Hordalandi, ásamt Lars Sponheim fylkisstjóra   og verða viðstaddir vígsluna, en

Bjarni Bjarnarson frá Vatnshorni (síðar kenndur við Grafarholt) var við nám í jarðyrkjuskólanum í Stend í Hordalandi um 1880 og er talinn hafa flutt heim með sér norskt tilsniðið timbur til Pakkhússins. 

Forseti Íslands, hr. Ólafur Ragnar Grímsson mun afhjúpa hið endurgerða Pakkhús, sem fyrsta húsið alviðað úr íslenskum skógi. Svo skemmtilega vill til að afi Ólafs Ragnars, Kristgeir Jónsson bjó um um aldamótin 1900 í Bakkakoti sem er næsti bær við Vatnshorn og Grímur faðir hans fæddist þar, nokkru eftir að þetta elsta hús í hreppnum var upphaflega reist.

sdfmeira...

9. júlí 2011 10:51

Ljósmyndasýning Jóhanns Páls

Ljósmyndasýning Jóhanns Páls Valdimarssonar bókaútgefanda stendur nú yfir í gallerí Fjósakletti á Fitjum. Sýningin er opin milli 14 og 18 daglega, en lokað

mándaga og þriðjudaga.                Myndirnar eru allar teknar í Skorradal og

nágrenni og eru til sölu. Allur ágóði rennur til stuðnings endurbyggingar elsta hússins í Skorradal sem er pakkhúsið í Vatnshorni. Því húsi gerir Sveinn Skorri Höskuldsson  m.a. góð skil í bókinni Svipþingi.

Í haust, 2. október er svo komið að málþinginu um Svein Skorra sem var á dagskrá í vor en þurfti að fresta. Málþingið er á vegum Snorrastofu og Háskóla Íslands. Nánar auglýst þegar nær dregur.

Á Fitjum er einnig sölusýning félaga í Félagi trérennismiða. Margt fallegra listmuna úr íslenskum efniviði í tilefni af alþjóðlegu ári skóga.

sdfmeira...

25. júní 2011 10:50

Sól og blíða

Er ekki tilvalið að skella sér í sund í Hreppslaug í blíðunni sem er núna í Skorradalnum. Opnunartími Hreppslaugar er alla virka daga frá 15-22 og um helgar frá 12-22.

sdfmeira...